6 患得患失（2 / 2）

天才一秒记住本站地址：[欲书阁]https://yushuge.vip最快更新！

蓝（冷淡）：「不是⋯⋯」

青（大惑不解）：「啊！係咪忽然间要早落山，令你有啲唔开心呀？」

蓝（扮不在乎）：「都差不多太阳落山！都係时候要落山嘅⋯⋯」

蓝故意将车速加快，缩短两人对话时间，蓝心諗：转多一个弯，大家就会结束对话，所有事情都会还原基本步了⋯⋯

青听得一头雾水，尷尷尬尬地道别，车门关上的一刻，时间好像静止了，蓝闭上眼睛，今天发生的一切画面都在慢镜重播，最后一个来电显示：「superhoney」就结束了一切⋯⋯

蓝擦一擦鼻子，抖擞精神，继续回家的路，车子刚刚停在红绿灯前，看到那一间卖苹果批的麵包舖，老闆娘正把铁闸慢慢拉下关舖，彷彿一切都要闭幕完了⋯⋯

一首似曾相识的音乐在车厢内响起⋯⋯⋯啊！原来青遗下手机在车内，蓝伏下拾起电话时，来电正是「superhoney」！蓝一股醋意直涌心头，清一清喉咙便按下扬声掣。

蓝（不耐烦）：「喂！⋯⋯」

「喂？你是蓝？」

蓝（嚣张）：「我是！係又如何？」

「啊！呢部手机好似唔係属于你架喎？」

蓝（无名火三丈起）：「关你咩事？我会自己安排畀返机主！」

「哦⋯⋯原来係咁样！哈哈哈！机主而家攞住部ipad，搜寻紧佢自己部电话，麻烦你唔好熄机，唔该晒！」

对方便收缐了。

蓝在家楼下泊好车后，靠在车门上，一边等待一边回想，对方语气态度古怪，虽然素未谋面，但估计面目可憎，应该是真小人偽君子之类，青有什么可能，会当对方是「superhoney」?！

蓝陷入迷思之际，眼前出现了一个熟悉又陌生的身影，正向他微笑⋯⋯一个曾经相恋七年，在三年前为实现梦想，拋下香港的一切，包括蓝，独自往法国蓝带厨艺学院进修，一切由低学起，今天雪学有所成，终于回来了⋯⋯

蓝呆若木鸡，一时间不能言语，悲喜交集，但仍故作镇定打招呼⋯⋯

雪（眼泛泪光）：「蓝，我返嚟啦⋯⋯」

蓝（全身发软）：「雪⋯係咩？⋯好耐冇见⋯你同佢几好吗？」

雪（呼一口气）：「佢？⋯根本冇依一个人存在，我去法国係为咗我嘅梦想，你而家仲未明？」

蓝（激动）：「梦想？！你为咗你嘅梦想，就可以一意孤行，你有冇諗过我？有冇理过我嘅感受？」

雪（懊悔哭了）：「蓝，好对唔住！我知道我好自私，但係我唔可以成世坐係办公室，做啲自己唔钟意嘅嘢，咁样好对唔住我自己⋯⋯

蓝（心痛）：「三年前你不辞而别，今日又突然之间出现，我真係唔识点样面对你⋯⋯」

雪（楚楚可怜）：「蓝，我知道我太钟意你，如果你留我，我一定唔会去法国，但係我又对唔住我自己⋯⋯」

蓝（心乱如麻）：「你唔好再同我讲你爱我，你根本唔在乎我⋯⋯」

雪（哭得梨花带雨）：「我由始至终都係咁在乎你⋯我记得今日係你生日⋯专登拣今日返嚟搵你⋯见到你facebook打卡位置⋯我估你仲未搬走，所以我就来见你......我已经达成我嘅学厨心愿，好想我哋可以再开始⋯⋯」

蓝沉思低头不语，刚好看到青拿着ipad在不远处呆了。